Zer da BiNaDi?

Nafarroako Liburutegi Digitala (BiNaDi) Nafarroako ondare bibliografikoa zabaltzeko eta babesteko tresna bat da.

Nafarroako Liburutegi Digitala (BiNaDi), 2007tik jendearentzat eskuragarri dagoena, Nafarroako Gobernuko Liburutegi Zerbitzuaren ekimena da, Foru Komunitateko ondare bibliografikoa zaintzeko eta Internet bidez zabaltzeko. Horretarako, BiNaDIk digitalizatutako obren zuzeneko deskarga eskaintzen du, nagusiki inprimatuak eta baita eskuz idatziak ere, bai Nafarroako gaiei dagozkienak, bai erkidego honetan idatzitakoak edo ekoitzitakoak.

BiNadik, gainera, bere objektu digitalen babesa bermatzen du Nafarroako Gobernuaren egitura korporatiboaren baitan, eta bere gordailua beste liburutegi digital batzuek biltzea ahalbidetzen du, hala nola Hispanak edo Europeanak. Aldi berean, eduki digitaletarako sarbide unibertsala errazten du, jatorrizko lanak kontsultatzeko beharra murrizten du eta Nafarroako ondare bibliografikoa kontserbatzen laguntzen du.

Liburutegi digitala osatzen duten tituluak Nafarroako Liburutegian kontserbatutako jatorrizkoetatik eta Erkidegoko hainbat erakunde eta liburutegitako ale ondare-intereseko bibliografia-funtsetatik datoz. Erakunde hauek BiNaDIren bidez zabaltzea erabaki dute, zenbait akordio eta hitzarmenen bidez, Ondare Bibliografikoaren Katalogo Kolektiboa (CCPB) egiteko testuinguruan.

Komunikazio publikorako eskubideen ikuspegitik, BiNaDIren bidez eskura daitezkeen obrak jabari publikoan daude, edo, bestela, bide horren bidez zabaltzeko baimena ematen duten titularrenak dira.